影片
更多
2018-07-08
120 瀏覽
某人生日，慶祝活動係打麻雀。某人不嗜甜，但生日蛋糕總要有吧，吹吹蠟燭，一班人分享蛋糕分享喜悅。早幾日經過海港城，見到La Famille舖，門面幾高雅，即刻決定訂返個生日蛋糕。喺門口揀左好耐，店員細心介紹，最後揀左英國伯爵茶口味，仲加$20要左個生日牌。今日食完午餐就過嚟攞蛋糕，保溫袋簡潔，冇印到任何字樣。蛋糕盒同樣簡單，感覺素雅，仲有支銀色蠟燭，好襯個蛋糕~~ 雖然冇生果裝飾，但一攞出嚟個個都大讚好靚。上面有啲金銀色朱古力波襯托。入口口感好輕盈，軟綿輕軟嘅戚風蛋糕加上軟滑嘅忌廉，滲出淡淡伯爵茶味，好低甜度。下午茶每人食四份一個蛋糕(一磅)，竟然冇半點甜膩感，真係好好食。一定要encore呀！！！舖頭凍櫃入面有好多小蛋糕，好多口味，加上玻璃罩，真係好精緻好吸引呀。仲可以堂食，下次經過一定要試吓其他口味！
早幾日經過海港城，見到La Famille舖，門面幾高雅，即刻決定訂返個生日蛋糕。
喺門口揀左好耐，店員細心介紹，最後揀左英國伯爵茶口味，仲加$20要左個生日牌。
今日食完午餐就過嚟攞蛋糕，保溫袋簡潔，冇印到任何字樣。
蛋糕盒同樣簡單，感覺素雅，仲有支銀色蠟燭，好襯個蛋糕~~
雖然冇生果裝飾，但一攞出嚟個個都大讚好靚。
上面有啲金銀色朱古力波襯托。
入口口感好輕盈，軟綿輕軟嘅戚風蛋糕加上軟滑嘅忌廉，滲出淡淡伯爵茶味，好低甜度。下午茶每人食四份一個蛋糕(一磅)，竟然冇半點甜膩感，真係好好食。一定要encore呀！！！
舖頭凍櫃入面有好多小蛋糕，好多口味，加上玻璃罩，真係好精緻好吸引呀。
仲可以堂食，下次經過一定要試吓其他口味！
張貼
