URBAN Café Commune (屯門市廣場) (已結業)

見到佢哋啲蛋糕喺個櫃入邊好靚，就去咗食晚飯。星期日晚去到，唔多人。不過我去嘅時候好早。叫咗一個芝士漢堡同埋一個鵝肝漢堡。漢堡包會跟薯條。仲會有一個細嘅牛角包同埋龍蝦湯。有免費嘅蜜桃凍飲，或者加錢飲其他茶或咖啡。以為加錢嘅話可以飲佢哋茶狼嘅飲品。原來係唔得嘅。淨係食個漢堡包嘅話都差唔多$200一份。感覺喺屯門來講偏貴。味道中規中矩。漢堡包嘅份量正常。不過如果以呢個價錢嚟講，好似食Ruby Tuesday抵啲又好味啲。不過本身係因為想食佢哋嘅蛋糕，所以冇辦法啦。最後叫咗一個salted caramel cheesecake。個蛋糕質感落咗好多啫喱粉，感覺自己食緊布甸或者啫喱多過食蛋糕。蛋糕亦都冇caramel味道，或者芝士味。感覺自己淨係食緊一舊好甜嘅啫喱。食完之後覺得浪費咗我個胃嘅空間。白白咁吸收左一啲冇價值嘅熱量。好失望。環境坐得都舒服。職員亦都非常之有禮貌。不過食物冇咩驚喜。同朋友坐低傾吓計OK嘅。但唔會為咗佢嘅食物再返去。