Simplylife Bakery Cafe (已結業)

假日來食個 brunch set，幸運地今日係蘑菇湯，好好飲，而且好喜歡呢度d麵包，環境好開揚，透光度高，只係時時都好多人，會比較嘈，家庭或朋友聚會都幾岩。Brunch set有湯/沙律，會跟件麵包，主食及飲品。我仲點多件蛋糕，其實我為蛋糕而來。車打芝士牛肉漢堡配牛油果醬牛肉多肉汁，質感鬆化，味道濃郁，加埋牛油果醬同車打芝士，味道更濃更有飽足感，配醃酸洋蔥絲，爽脆消膩。白酒煮蜆辣肉腸手製扁意粉酒味唔太突出，但蜆肉幾大隻，飽滿鮮爽，配微辣帶油香的辣肉腸，添加不少咸香，意粉煮得保持彈牙口感。蘑菇湯配麵包夠哂熱，而且蘑菇味重，仲有粒粒蘑菇口感，味道唔會太咸。麵包係法包口感，外脆內有彈性，麵包好香亦很有咬勁。紅桑子特濃朱古力蛋糕賣相吸引，朱古力味濃厚香滑，加酸甜紅桑子jelly中和甜度，又可減膩，蛋糕片鬆軟濕潤，最底的朱古力果仁最美味，香甜可口。蛋糕款式真係好多，而且賣相吸引，味道都很好，最抵食都係tea time來食。