一日一咖啡吧

營業中

休息中

微涼的天氣🌬最適合就係坐喺Cafe渡過一個悠閒嘅下午😀一日一早餐（$118）有齊晒我最鍾意食嘅嘢🥰特別鍾意充滿奶味嘅炒蛋，隔離嗰個話啲茄汁豆都好好食。巴馬火腿班尼迪蛋（$78）要下午茶時間，荷蘭醬比較酸，啲蛋好流心～飲品方面超級抵，叫咗主菜可以加少少錢就飲到。抹茶牛奶同牛奶咖啡都好唔錯。推介大家試吓呢度嘅蛋糕，焙茶豆腐芝士蛋糕（$28）又軟滑，茶味同豆腐味十分之夾，兩者嘅平衡做得啱啱好，個底仲要係奧利奧口味嘅添！