叄瘋 (已結業)

通常大家去既cafe多數以西式為主，食下意粉或者cake咁，但今次黎呢間就以食台灣菜為主，仲有蛋餅食添😋見每枱都幾乎會嗌呢到既蛋餅，而我亦係為左蛋餅而黎🤤 蛋餅上到黎有啲散散地，每塊大小不一，外觀上有啲啲扣分🤔 食落個蛋餅皮偏硬身，唔係平時食開果種Q軟煙韌既質感，唔係好似係台灣食果啲咁😢 但好在內餡加返啲分，肉鬆加蛋加芝士真係不敗組合😍 再加埋佢個蛋餅醬，真係超級夾！呢個飯都幾多配料下，除左主角雞扒同蔥油之外，仲有兩塊滷豆腐、半隻滷蛋、一堆椰菜同青瓜，啲餸又係滿到遮哂成個飯👍🏻 雞扒煎過幾香口，配埋蔥油一齊食幾夾，而雞既肉質屬中等，唔係特別嫩亦唔會特別鞋，有啲似吉X家個煎雞，加埋咁多配菜，overall黎講都算係一個合格有餘既飯！呢到咖啡既base可以揀返要fruity定nutty，而我揀左nutty，咖啡飲落酸味會較多，而飲完陣堅果味都幾突出，可惜口感偏單薄。整體黎講，蛋餅算係呢到最出色既一樣菜式，但並非食過最好食既蛋餅之一🤭 而cafe環境幾文青，灰色牆身加木系枱櫈，好悠閑既感覺！