莆田 (美麗華廣場2期) (已結業)

近排食太多西餐所以想食下中菜轉轉口味~出開尖沙咀行街就順便喺度搵野食😋冰鎮苦瓜最近天氣開始熱，所以點左比較少見的冰鎮苦瓜試下，打算消消暑氣。切成薄片狀的苦瓜好晶瑩，食落冰涼爽口，味道就甘甘苦苦。朋友比較少食苦瓜，所以點左附送的蜜糖，佢覺得會變得易入口，怕苦朋友可以試下。蒜蓉蒸蟶子一向喜歡用簡單的蒸蒜蓉方式食海鮮。呢碟蒜蓉蟶子份量十足，上面鋪左適量蒜蓉，加上蔥花同豉油，但配料味道唔會過濃而喧賓奪主。莆田荔枝肉將荔枝入饌感覺好新鮮！食落似荔枝咕嚕肉，味道酸酸甜甜，估唔到鮮甜多汁既荔枝加埋落去毫無違和感，讚！莆田扁肉湯扁肉湯清甜可口，飲得出係冇落味精~興化炒米粉呢碟米粉係幼身既，啱自己口味。睇落細細碟，但原來都裝到成三碗，夠哂兩個人食！參巴爆蟶肉參巴爆蟶肉就係另一種食法，爆香之後惹味得嚟又食得出蟶肉好新鮮。