Tom N Toms Coffee (已結業)

喺The One行完街搵到呢間環境好chill嘅Tom n Tom's，最適合同朋友坐底慢活一下。蜂蜜芥末火腿芝士吐司($21)配料雖然簡單，但厚厚多士外層烤得好焦脆，內層則保持柔軟，為呢個經典組合帶來新鮮感。蕃茄芝士牛角包($32) 熱烘烘，一口咬下鬆化得非常過份，口感極佳！朱古力冬甩($53)看似普通，食落都有驚喜！咬開內層有朱古力軟心，滋味無窮。忌廉粟米牛肉薄餅($53) 餅皮薄脆，一個人食都唔會太heavy, 加杯野飲已經係唔錯嘅一餐。蜂蜜美式有氣咖啡($38) 有氣咖啡比傳統咖啡少了一入濃厚感覺，但清爽口感很有驚喜，令我都愛上呢個新嘅飲法。