諾亞半熟蛋糕專門店 (已結業)

上次同屋企人食過之後都覺得唔錯，所以今次都想食第二隻味道因為上次未食到佢地出名既半熟蛋糕，今次借生日之名又可以食多次～呵呵同樣係黎到最近既西九龍分店買蛋糕，不過今次唔係左揀右揀，因為我已有目標！大大個蛋糕已經買回家囉~外盒同之前既一模一樣，如果唔記得食前須知可以睇下旁邊既文字～食前須知，店員提醒未食時候要放冰格，食既時候要解凍30分鐘，流心效果會更好上次覺得有餐具已經好貼心，因為更有佢地特設既餐具，而且有專門切蛋糕既膠刀同埋好方便食用既「匙跟叉」呢～蛋糕比想像中細左啲，如果幾個人分一定唔夠喉XD原味半熟蜂蜜蛋糕，蛋糕好軟熟，切既時候要小心翼翼，因為果時已經等左大概15分鐘，其實岩岩拎出黎切係最好的，蜂蜜既流心感覺唔算太勁，不過一食之下，就可以食到清香既蜂蜜味～口感會比較稠稠地，而且蛋糕好鬆軟，帶甜甜的味道，兩種甜度加埋都唔會太流～不過本人較中意芝士流心～而媽媽就中意依隻，大家都喜好唔同呢XD