Accro Coffee

營業中

休息中

舊舖去過無食過，因為太多人，今次早少少去到排隊等開門，不過當然仲有人早過我，總算第一轉入倒，如果唔係又要等下一次，因為lunch 後嘅行程已plan好，唔會等。入到去係好有格調嘅裝修，暗暗地，有bar 位，有幾張四人檯，無大嘅落地玻璃，只有窄窄嘅小玻璃窗可望到些微出面嘅環境，感覺好幽靜，涼快同神秘。三個人，點咗2個窩夫同一個香草包，窩夫先到，係原味配生果，窩夫有4件，心型嘅，份量唔算細，望落去有啲燶燶地，啱晒我心水，一切落去夠脆，未入囗已有信心會幾好食，果然又香又脆，好好味，旁邊生果有奇異果，士多啤梨，藍莓同火龍果，overall都麻麻，唔太甜。另一個係伯爵cream 朱古力雪糕窩夫，cream好多好多，窩夫同樣有水準。我杯咖啡到了，係我最愛嘅mocha , 嚟到見倒個拉花好特別好可愛，除咗有幾塊葉仲有隻蝸牛喺上面，好得意，而重要嘅係除咗外在美都有內在美，係好飲嘅。跟餐仲可以平5蚊。香草包可揀雞，豬or 蕃茄，我地揀咗蕃茄，呢個唔算有驚喜，不過芝士都好香。