HeyYO!! (已結業)

迎月日同肥髀逛街，小朋友想食雪榚！媽咪當然無問題！去到商場地庫一個櫃檯，食物有好多！雪榚、雪條同乳酪！店員小姐好笑容！我同佢講要少少比小朋友！佢真係唧小小比我哋！配料選擇多！不過無水果，只有粟米脆片、罐頭水果之類嘅選擇！可以自己𢳂！𢳂好磅好就比錢！蜜桃味乳酪（$35）乳酪有原味同蜜桃味，本身幾滑，味道偏甜！蜜桃味唔假，配料揀咗蘆薈粒、荔枝爆珠同啫喱！都係彈牙！味道偏甜！整體一般！呢間店仲有幾張小桌子，可以坐住食！裝修同食物都色彩繽紛，一定有種食物啱心水！