Dazzling Cafe (The ONE) (已結業)

星期日夜晚叫男朋友陪我食我好鍾意食既蜜糖吐司。講到蜜糖吐司，當然不得不去蜜糖吐司既始祖Dazzling Cafe啦。除左蜜糖吐司，我地仲叫左佛羅倫斯花枝干貝麵同2杯飲品。佛羅倫斯花枝干貝麵好惹味，干貝幾大粒亦彈牙，另外仲有花枝圈、西蘭花、菇同小番茄。莓好時光蜜糖吐司上碟啦。方包入面有數條麵包條，全部都烘到好香脆又有蜜糖味，加上大量士多啤梨、焦糖馬卡龍、兩條朱古力脆條、忌廉同一球士多啤梨雪糕一齊食，好邪惡但都要食。飲品叫左極品可可沙冰同100%現榨奇異果鳳梨汁。極品可可沙冰揀左特濃朱古力，果然好濃朱古力味，配上厚忌廉、Oreo同朱古力脆條，朱古力迷必飲。100%現榨奇異果鳳梨汁飲到好多奇異果籽，真材實料。