OMG Chicken (已結業)

OMG chicken 呢間位於將軍澳的烤雞店，食物符合港人口味，比較港式而且唔會好重口味，烤雞口味選擇多，而且有意粉披薩選擇。我地嘅二人餐 加一後 $361一開始個小食拼盤擺盤幾精緻，上面有帶子，吞拿魚多士，蝦，煙三文魚同章魚仔，全部食物都不錯😋個餐都跟蒜蓉餐包同埋湯套餐可以自己選擇一款雞+意粉/pizza 我地叫咗蜜糖芥末雞，有兩隻雞翅 兩個雞錘 蜜糖芥末醬汁幾好味，酸酸甜甜，好開胃黑松露雞肉意粉都唔錯，偏向港式意粉，白汁、芝士、黑松露同雞肉，係唔會出錯嘅搭配😋如果意粉可以大份啲就好啦