euro go go

營業中

休息中

Euro go go絕對係下午茶嘅平價之選。每一次嚟都會食佢嘅法式薯蓉焗田螺同埋蜜糖雞翼，西式野黎講價錢唔算貴，份量又好足。佢嘅法式薯蓉焗田螺唔算好大碟，但係因為好多薯蓉，所以都好飽肚。另外，雖然佢唔係有好多粒田螺，但係粒粒田螺都算大粒，夾埋軟滑嘅薯蓉一齊食，真係好好食。佢嘅蜜糖雞翼都幾好食，隻隻雞翼都好大隻，一叉起上嚟就聞到佢陣蜜糖嘅香味，咬落去夠晒甜，入邊啲雞肉又夠嫩滑，所以每次嚟食都一定會嗌蜜糖雞翼。雖然每次嗌完嘢食都要等一段長時間，不過我覺得等待係值得㗎。