泰.夯蝦 (諾士佛臺) (已結業)

流水蝦源於泰國曼谷，近年興起，冇得飛✈但係香港一樣食到。今次黎呢間「泰夯蝦」，先量體溫後拎圍裙。店內擺放多條流水蝦水缸，我地坐既位置有私人蝦缸，正😈。店員同老闆都好熱情教我地要點撈點食🤤。夾起大蝦，將大蝦放入冰桶，凍暈先燒💞。海鮮類放面層，肉類放下層，食物要排滿滿令發熱線燃燒，食物更快熟透。除左蝦之外，餐廳仲有放題區。海鮮👉扇貝、蜆、螺、蚌等。燒烤肉類👉秘製五花肉、香茅豬頸肉、雞軟骨、自醃製川辣雞翼、檸檬雞翼等不同口味。菜👉茄子、菇🍄、金菇、枝豆。熟食👉炸物，如榴槤波波、薯角、炸蝦。甜品👉雪糕、水果等。飲品👉有紙包飲品、梳打水、可樂等。椰青同啤酒就要加錢。💨同朋友立即分頭行動，佢負責燒蝦，我出去覓食😆不得不讚大蝦活潑生猛，蝦肉爽口彈牙，而且仲好多膏，好新鮮。食完可以叫店員refill架👻。另外，我幾中意佢既自定製雞翼，好入味。自己動手燒，食得特別滋味。餐廳提供埋濕紙巾同手套，唔洗擔心食得狼狽啦。