蝦匠 (已結業)

今晚落大雨，但約左朋友們到九龍城吃晚餐，最後當然又係遲到......餐廳環境倒是不錯，夠新正，間隔亦舒服。重點係仲有個超高清大電視！岩曬朋友追睇延禧攻略。前菜皮蛋，麻辣味都幾重。味道比較普通啦。雞翼一碟兩隻，朋友留左一隻俾我，呢個雞翼都幾大隻，啖啖肉，亦都夠入味。外脆內嫩，煮得剛剛熟。點左杯檸茶俾自己，夠健康！我再加了一塊蝦餅。呢塊巨型蝦餅有塊臉咁大。再配以泰式酸甜醬，味道一流！蝦餅都幾厚身，入面好足料好彈牙，啖啖蝦肉。朋友們都選了抵食既龍蝦，我就一於試下清清淡淡既自選麵啦。竹笙無論配清湯或重口味湯都咁岩，可以吸到啲汁，而且食落爽口，係我食粉麵既必選配料之一。牛肉片份量不多，而且比較薄片。牛肉味亦不太濃，比較失望。有少少蝦滑，亦係細細粒，都係蝦餅足料啲。自選麵會另外有少少魚片伴碟。整體來說都幾好，食物有水準而且環境舒服，最岩兩三知己相聚。