一虎

營業中

休息中

之前朋友帶我黎食過一次嫁喇，但我覺得真係太好食喇，所以一係灣仔就好自然想黎呢間餐廳食飯。哈哈，一如既往我都係叫我既摯愛 - 海老虎拉麵。個湯底非常濃郁，蝦味好出，但又唔會腥。不過如果怕太重口味既朋友可能唔太岩，因爲呢個拉麵真係我食過最濃郁既蝦湯底拉麵。個麵上面仲要鋪滿櫻花蝦，係多到見唔到其他料，所以個湯底可謂十分足料。而且麵條非常彈牙，吸埋d汁簡直一流。朋友果個係黑虎拉麵，黎到已經聞到好強烈既黑蒜味。食落並無聞落咁重黑蒜味，但都同其他拉麵一樣，湯底依舊係好濃郁。麵條朋友揀左幼麵，所以麵條容易吸到d汁多d，大家可以根據自己既喜好揀選返自己鍾意既麵質。另外我地仲叫左碟餃子，可能因爲係自家製，所以比一般餃子多餡，非常足料。最後都係要重提海老虎拉麵，因爲實在太愛佢，哈哈。