周記點心

營業中

休息中

出發去書展之前，就去左好耐都冇食嘅 周記點心，好掛住個蝦多士同流心西多士。蝦多士鋪滿芝麻炸至金黃的蝦多士，外層非常香口非常脆，內餡的蝦膠超爽彈，用料十足蝦味重，好正。雙味燒賣新鮮熱辣好吸引，好大粒好抵食，松露味香，但唔夠濃，燒賣足料，彈牙有肉感。XO醬炒銀針炒夠鑊氣好惹味好香，微辣刺激，銀針粉吸哂XO醬味且口感滑彈，加上芹菜提香，味道更正。流心咸蛋黃西多超級爆漿咸蛋黃，咸香帶微甜，味道濃郁令人回味，西多吸盡咸蛋醬，好邪惡好滿足。樽仔奶茶香濃滑，茶甘香味重，奶味香濃又平均茶味，入口好滑好正，凍飲且保持味道濃郁。