影片
更多
2018-01-10
1093 瀏覽
呢間蝦棧，我地喺附近食火鍋嘅時候都有經過過，因為見到門面幾亮眼，都有八掛睇下食啲咩，今日收工同幾個朋友就過黎食晚飯。餐廳驟眼望落似西餐、cafe裝潢，以白色為主調，木枱水泥地，好光猛，位置唔算好多，店面有點窄，但空間感足，小店格局。平日晚上都大概半滿，靠近裡面就係半開放式嘅廚房，可以隱約見到廚師煮食同聞到食物嘅香氣，抽風不錯，唔會話好大陣味蝦棧主打蝦相關料理，門口位置都有好大個蝦虹，就有啲新鮮嘅大頭蝦。餐牌供應小食，例如滷蛋、醉雞卷、炸豆腐等，各式鍋物唔少得招牌蝦類，有十款左右，例如奶油蝦、椒鹽蝦、三杯蝦、鹹蛋黃蝦等，定價$188/208一鍋，寫到明每鍋係300gms。視乎蝦嘅大小，決定有幾多隻。此外，有麻油雞鍋、麻辣臭豆腐鍋、炒菜，加上主打台式料理，所以都會有啲台灣腸、魯肉飯、滷拼、蔥抓餅等。最低消費每位$150，由於菜式定價中上，應該輕鬆達標。甜品方面有雪糕、雪葩，飲品有汽水、烏龍茶、梳打等，人均大約三百蚊。年紀大左，寧願食得精，好過食得多。醉雞卷 88：一共8件，雞件砌得幾靚，面頭放左粒杞子咁，每件厚度相約，唔會太薄，連埋雞皮。雞肉係揀選冇骨部分，入口紮實，有好濃酒香，喺香港食過
蝦棧主打蝦相關料理，門口位置都有好大個蝦虹，就有啲新鮮嘅大頭蝦。餐牌供應小食，例如滷蛋、醉雞卷、炸豆腐等，各式鍋物唔少得招牌蝦類，有十款左右，例如奶油蝦、椒鹽蝦、三杯蝦、鹹蛋黃蝦等，定價$188/208一鍋，寫到明每鍋係300gms。視乎蝦嘅大小，決定有幾多隻。此外，有麻油雞鍋、麻辣臭豆腐鍋、炒菜，加上主打台式料理，所以都會有啲台灣腸、魯肉飯、滷拼、蔥抓餅等。最低消費每位$150，由於菜式定價中上，應該輕鬆達標。甜品方面有雪糕、雪葩，飲品有汽水、烏龍茶、梳打等，人均大約三百蚊。年紀大左，寧願食得精，好過食得多。
醉雞卷 88：一共8件，雞件砌得幾靚，面頭放左粒杞子咁，每件厚度相約，唔會太薄，連埋雞皮。雞肉係揀選冇骨部分，入口紮實，有好濃酒香，喺香港食過最濃係呢份喇。但可能有啲人會覺得不容易入口，我自己就幾鐘意
滋補四神湯 128：係廚師推介，上枱連埋個gas爐，客人可以熱住食。湯嘅份量唔算好多，但四個人足夠，大概五碗湯，入面相當足料，有豬肚、粉腸、當歸等藥膳煲埋，非常滋補，適合女士飲用，特別呢幾日天氣凍，飲完好暖身。粉腸、豬肚入口腍身，清理乾淨，而且份量好多。雖然用左啲藥膳，但不難入口，湯底好清，唔會油膩，個人很喜歡
黑麻油雞 168：主菜以鍋上，價錢略貴，雞件份量唔算好多，稱唔上好肉地，裡面有肉有骨。睇落會覺得難免有點油份，食落就唔會覺得油膩。
雞件已經熟透，唔算嫩滑，但都不老不韌。黑麻油味聞起上黎有一點點，食落雞肉就唔算好入味。可以滾多一陣先食，味道更出。呢麼嘅料理調味唔會好重手，感覺健康
跟住我地點左兩款蝦鍋，分別係三杯蝦、避風塘蝦。
三杯蝦 188、避風塘蝦 208：事前我喺網上睇過，當晚大頭蝦嘅size係中至細，兩煲蝦我地都各自有10隻，大有有細。避風塘蝦煲炸蒜好香口，辣椒墊底少少，辣度溫和，容易入口，蒜片撈飯一流。大頭蝦新鮮撈起，蝦頭都有少少膏，蝦身較短，但肉質都肥美、彈牙爽口作為招牌菜都有一定嘅水準。至於三杯蝦鍋，食落都有香嘅九層塔味，都係簡單用上蒜頭、香料、辣椒製成。同平時食開嘅三杯雞鍋唔同，冇醬汁。雖然蝦殼都沾滿左香菜味，但蝦肉本身就唔係好入味。大頭蝦唔知係咪季節關係，大部分都有好多蝦籽，十隻有一半都有蝦籽~
雪山火焰焗鰂魚 158：原條魚冇打鱗，直接加鹽焗起，上枱後，店員很貼心提醒我地要小心啲火焰，佢會喺魚身加少少火焰效果，幾有gimmick，將個面頭燒一燒，然後好細心，將鹽、同皮揭起，方便食用。鹽焗魚仲配上有少少似食泰國野會附上嘅生蝦汁，有少少辣、有少少酸酸，食前可以再唧啲青檸，會再鮮味啲。魚本身都幾大條，魚肉幾厚，剛剛好熟嘅感覺，食落又嫩又滑。魚靠鹽焗成，冇多加調味，但都十分鮮味。呢個價錢都非常可以，推介
蔥抓餅 28：味道唔錯，份量不少，分成8小件。餅皮薄身，外面酥脆，加少少蔥，唔會有油膩感
滷水鴿 68：
魯肉鮮蝦湯米 68：
薄荷菠蘿梳打：菠蘿味清甜，唔會有糖水感。
菠蘿雪葩 68：食完咁多野，食埋個雪葩啱哂，呢款果味雪葩我之前都有喺其他餐廳食過，菠蘿味同椰子味最好食，味道唔假，唔會太甜
不過剛喺冰櫃拎出黎，要等陣解凍先會食到。
張貼
