影片
更多
2019-09-16
227 瀏覽
阿久根和牛拉麵店共有兩間分店，位於佐敦同旺角。上次喺旺角食過佢嘅雞白湯十分唔錯，今次經過佐敦就去試埋佢嘅濃蝦湯拉麵。餐廳環境簡潔舒適，店員都好好笑容。拉麵共有幾款湯底，包括雞白湯，濃蝦湯同魚湯，貴精不貴多。而且好少見香港嘅拉麵店可以外賣自取，拉麵癮發作既時候就可以自取返屋企慢慢嘆。拉麵一上枱嘅時候，陣陣香濃既蝦味撲面而來。炙燒過既虎蝦，更加香口。麵條彈牙，唔會過硬同過淋，條條分明，煮嘅時間控制得啱啱好，掛湯力都一流。而溏心蛋有流心效果，如果再加少少調味就冇咁單調。而湯底絕對係不得了，呢度既蝦湯係呀我暫時喺香港食過最好味既蝦湯。平時好怕食拉麵嘅湯底會太濃太膩，食兩啖就已經飽飽滯滯，冇曬胃口。而呢到既蝦湯底味道十足，加埋櫻花蝦增加口感同香氣，食落濃而不膩，食完麵有衝動飲埋碗湯👍🏻
阿久根和牛拉麵店共有兩間分店，位於佐敦同旺角。上次喺旺角食過佢嘅雞白湯十分唔錯，今次經過佐敦就去試埋佢嘅濃蝦湯拉麵。
餐廳環境簡潔舒適，店員都好好笑容。
拉麵共有幾款湯底，包括雞白湯，濃蝦湯同魚湯，貴精不貴多。而且好少見香港嘅拉麵店可以外賣自取，拉麵癮發作既時候就可以自取返屋企慢慢嘆。
拉麵一上枱嘅時候，陣陣香濃既蝦味撲面而來。炙燒過既虎蝦，更加香口。
麵條彈牙，唔會過硬同過淋，條條分明，煮嘅時間控制得啱啱好，掛湯力都一流。
而溏心蛋有流心效果，如果再加少少調味就冇咁單調。
而湯底絕對係不得了，呢度既蝦湯係呀我暫時喺香港食過最好味既蝦湯。平時好怕食拉麵嘅湯底會太濃太膩，食兩啖就已經飽飽滯滯，冇曬胃口。而呢到既蝦湯底味道十足，加埋櫻花蝦增加口感同香氣，食落濃而不膩，食完麵有衝動飲埋碗湯👍🏻
張貼
