蝦棧 (已搬遷) 新店位置

一直都知花園街好多好味嘅野食，今次就比個透明大魚缸吸引左我入左去嘅蝦棧第一時間叫左個檸檬辣蝦，因為諗住酸酸辣辣應該幾安全。叫完就會有人係門口個大魚缸度捉蝦上黎拎去整。過一陣個蝦煲就到左，一黎到已經比陣青檸味吸引，相機食完即刻起筷因為新鮮既關係，所以爽口係好正常既事，記得要點埋佢個煲既青檸汁黎食，真係無得頂。諗住其他野冇甘快到，叫左個溏心滷蛋黎食，都食到台灣食開既滷蛋嘅味道。轉頭個醉雞卷亦都到左，一黎到已經有陣陣既酒香，同埋個雞肉又夠滑，完全唔會因為用過酒整過令雞肉變老，而且個酒味唔算濃好易入口跟住就係比佢個名吸引而點既菜，就係樹子冰菜，一開始意為佢係凍既菜點知係熱既，點知，一食落去好似有層冰包住甘，好有驚喜，個菜重有甘甜，好好食。飲品就當然唔少得，叫左薄荷青檸梳打同薄荷菠蘿梳打，兩杯飲品個薄荷味好香又夠大杯唔洗驚唔夠飲。