蝦蝦燒

營業中

休息中

依排成日落雨，落到個人都霉霉地🥲，就諗住約個朋友出去食餐飯傾吓計。咁我同個朋友都好中意食海鮮同燒肉，係荃灣行行下街咁岩就搵到依間蝦蝦燒。入到去見到每張枱隔離都有個長魚缸，入面啲蝦游啊游，等我哋可以一邊燒一邊睇。入座之後，員工同我哋講要夾啲蝦落啲冰水度浸暈啲蝦，如果唔係會周圍跳。咁我哋即刻出去拎冰水番黎夾蝦，啲蝦有大有細，睇岩邊隻就夾邊隻。啲蝦真係好生猛，放入冰水個時都仲彈黎彈去，會有小小水花濺出💦，我哋都唔敢夾太多，驚會跳出黎。除咗蝦之外，仲有好多時令海鮮可以任食，有鮑魚、蠔🦪、帶子、元貝，居然仲有原條魚😯隔離嘅冷櫃有各種豬牛羊雞肉串、大大件牛骨同羊架、各種蔬菜水果。個爐唔算太大，但有兩層，上層可以燒蝦同海鮮，下層燒串燒。旁邊有啲調味料，可以自己調味，但第一轉海鮮想試原咪就冇落。蝦🦐好鮮甜，又彈牙，唔洗調味都可以。燒完之後朋友即刻再去夾定。每枱都有份鱔送，又鮮又爽彈，塊皮都燒到脆卜卜。帶子大大粒，漲卜卜，要再燒多幾粒。鮑魚都好食，但因為要剪走內臟，我哋又唔係太識，最後個員工幫我們剪，啲員工真係好好人。順手個朋友叫個員工介紹咩魚好食，夾佐條仲大過我隻手嘅魚🐟。魚肉質緊實，都好易燒。串燒有