14
2
0
等級1
1
0
蝦迷必去
2015-02-28 1902 瀏覽
呢間野真係要讚一讚 話說前排大伯突然話要食點心喎 佢老人家行動唔方便 我地見屋企對面又新開左間“新興發” 於是就去試下。我地全家都鍾意食蝦 所以我地叫左蝦餃 菜苗餃 同 鮮蝦腸粉 (仲有其他 但今次focus蝦類食物先 XD)先講蝦餃 一上菜就好驚喜 d蝦餃好大隻 而且個皮做得好靚 厚薄適中 睇得出入面d蝦好大隻。咬落去入面好多汁 唔似得出面好多酒樓咁乾爭爭。至於個腸粉 同蝦餃一樣好juicy 個腸粉皮都拉得算薄 咬落好彈牙 我個人就欣賞腸粉表面唔會好多油 食落既唔會膩但又唔會覺得痴喉。不過我最鍾意都係菜苗餃 除左個皮好彈牙之外 入面d菜色澤翠綠 睇得出係新鮮貨 d蝦 照舊 無咩雪藏味或者蝦臭味 係真正既皮薄餡靚。四個人食左200蚊左右 價格合理 份量十足無呃稱 侍應招呼周到 重點係 同侍應嗲落先知原來佢地d點心係自家制 仲要即叫即蒸 難怪咁好食 下次會再幫襯 ^_^
更多
呢間野真係要讚一讚

話說前排大伯突然話要食點心喎 佢老人家行動唔方便 我地見屋企對面又新開左間“新興發” 於是就去試下。
我地全家都鍾意食蝦 所以我地叫左蝦餃 菜苗餃 同 鮮蝦腸粉 (仲有其他 但今次focus蝦類食物先 XD)
先講蝦餃 一上菜就好驚喜 d蝦餃好大隻 而且個皮做得好靚 厚薄適中 睇得出入面d蝦好大隻。咬落去入面好多汁 唔似得出面好多酒樓咁乾爭爭。
至於個腸粉 同蝦餃一樣好juicy 個腸粉皮都拉得算薄 咬落好彈牙 我個人就欣賞腸粉表面唔會好多油 食落既唔會膩但又唔會覺得痴喉。
不過我最鍾意都係菜苗餃 除左個皮好彈牙之外 入面d菜色澤翠綠 睇得出係新鮮貨 d蝦 照舊 無咩雪藏味或者蝦臭味 係真正既皮薄餡靚。
四個人食左200蚊左右 價格合理 份量十足無呃稱 侍應招呼周到 重點係 同侍應嗲落先知原來佢地d點心係自家制 仲要即叫即蒸 難怪咁好食 下次會再幫襯 ^_^
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
等候時間
5 分鐘 (堂食)
人均消費
$50 (午餐)
推介美食
  • 蝦餃
  • 菜苗餃
  • 鮮蝦腸粉