土炮懷舊特飲 (已結業)

呢間野上一手係熱狗店，依家換左做一間飲品店，裝修都好特別，全部係紅白藍，同埋做懷舊飲品，華都無飲品店，真係岩晒呀！朋友就買左杯K房什果賓治，我地估佢應該係想講Neway掛🤔飲出黎個味好好味呀😆仲有一粒粒既什果飲到，唔駛撩黎食，讚！我就叫左杯山楂梳打，味道好清新，特別，出面未聽過，個底仲有山楂肉，好特別！店員仲有Sell到佢地自家製既蝦醬雞翼，叫左一個試下，叫我地等五分鐘到，原來係即叫即炸，一食落去好香蝦醬味，仲有肉汁唔乾！真心鍾意呀😍見到鋪頭仲有好多特別野飲，有陳皮話梅梳打，又有洛神花梳打，餐牌又寫得好得意，仲有男朋友最鍾意食既炸饅頭呀😋😋可惜兩個人試唔到幾多野，下次要帶埋男朋友黎試先得😁