忠誠茶座泰國菜

營業中

休息中

星期日同咗屋企人去踩單車每碟嘅份量有啲好少有啲好多，真係估佢唔到。性價比比較高嘅我覺得係蝦餅。大大嚿，有四件，每件切開半塊。好襟食！食得出蝦肉好新鮮，蝦肉彈牙，炸皮超薄。 炒金邊粉有少少似星洲炒米，都幾大碟嘅。雞肉串燒都好食，沙嗲醬有花生香，雞肉嫩滑，唔會燒到乾爭爭。我哋仲叫咗椰汁紅豆冰。紅豆幾好食，咬落沙沙地嘅感覺。成杯嘢唔會話超級甜！星期日我哋好好彩七點可以即刻入。好快門口就排滿人。八點食完飯走嘅時候，已經好多人等緊。