喜盈樓 (已結業)

價錢吸引，又見食評中相片食物應有盡有，所以一試。6時到達，量體溫後入座。了解一下後，點了鴛鴦鍋，皮蛋芫茜及豆腐清湯。好欣賞店舖提供任選鴛鴦湯底，又唔需要加錢。點菜紙款式唔算多，只係基本嘢。落了單後就出去攞醬料及熟食。出面D熟食唔講得少，可能始終係酒樓，所以牛肉，蒸糕等點心冇難度、但對於我而言確係驚喜。本人encore咗兩次馬拉糕及奶黃包，重有薑汁棗王糕，而出色嘅有春卷，一來剛炸起，脆卜卜，春卷內的蝦又大又爽，冇得彈。至於烚吓烚吓食物中，最出色係菜肉餃，好大粒，好有咬口。大雲吞中的蝦亦好大粒同爽口。蝦類食物認真唔差。食到中途，自助桌又提供燒鴨及雞。甜品有紅豆沙，盒裝豆腐花同雪糕雪條！啱啱食完，又心思思想去！