Infiniti C (已結業)

Item: Infiniti C
Rating: 3
Author: caketionary

164 食評

味道

環境

服務

衛生

抵食

11132

西環

$51-100

西式西式糕點咖啡店

caketionary

等級3

@infiniti__c ————————————————————————
可能適合對象：#蝶豆花伯爵茶蛋糕 #全素焦糖朱古力咖啡蛋糕 #檸檬撻
甜度（5星最甜）：⭐️⭐️⭐️
濃度（5星最濃）：⭐️⭐️⭐️⭐️
🍴：餐刀 ✔️/ 蠟燭 ✔️ / 冰袋 ✖️/ 紙盒✔️
🏷：✔️（免費）
💬：無論係老闆，或是店員，個個都好親切，會同食客傾吓計，講吓嘢。又會研究吓食物，印象幾好。
🛒：堅尼地城 #cakeup_堅尼地城站
🔘：件裝 / 個裝（3日前預訂）
💰：個裝劃一 $62；13cm $388
————————————————————————
性價比：中

近排碌IG，藍色蛋糕不停咁出現。的確係，無論係IG 餐廳KOL又好，雜誌又好，好多人都介紹過𠵱件Gluten Free蛋糕，作為Cake界字典，又點可以唔食吓寫吓Review呢？

今次試咗三件蛋糕，分別係：檸檬撻 Signature French Lemon Meringue Tart，蝶荳花伯爵茶蛋糕 Earl Grey Cream Cake 同全素焦糖朱古力咖啡蛋糕 Vegan Caramel Mocha Cake。

蝶荳花伯爵茶蛋糕 Earl Grey Cream Cake
雷聲非常大嘅蛋糕，宣傳強度好有Power，但係對我哋而言，其實幾普通。佢最特別都係個顏色。賣相的確有啲Gimmick，用到蝶荳花去做個外層Cream，紫藍得嚟唔會唔敢食，影相係幾特別。Cream係輕滑，但味道可以話冇咁濟，可以話純用嚟裝飾。講完雷聲，就講場雨。雨點的確少。外層Cream首先冇咩味啦，而蛋糕主要味道來源係層Earl Grey Cream，其餘嘅蛋糕糕身部分真係食唔出咩味來。「外貌學會」嘅成員會接受到𠵱個蛋糕。

全素焦糖朱古力咖啡蛋糕 Vegan Caramel Mocha Cake
𠵱件蛋糕賣相好似個紅豆月餅。直接講，個蛋糕都唔特別，挺普通。最大賣點為Vegan。都講講先，Vegan其實係全素（無蛋無奶），Gluten Free係無麩質，亦即係冇小麥、大麥同黑麥當中嘅蛋白質（如果你食完個易肚痛，可以試吓）。整件蛋糕較重朱古力味，咖啡味唔太食得出。口感算係濕潤度恰好嘅Brownie。唔特別推介。

檸檬撻 Signature French Lemon Meringue Tart
點解要將𠵱個撻寫到最後呢！？有原因，因為只要你食咗𠵱件蛋糕，其餘嘅蛋糕都會比下去，𠵱件蛋糕真係好好食！開初，我對𠵱種蛋糕甚為抗拒，因為唸到條脷會酸到軟晒。但係，𠵱件真係香得嚟，唔太酸，甜度絕對做到中和，但酸味仍然突出，檸檬味唔似清潔劑。撻面嘅Cream同檸檬部分軟綿綿，質地似融咗嘅棉花糖，燒嘢食個種呢，好似好密好豐盈嘅洗面泡泡係個口度，好好口感。撻身又夠脆口，唔油，絕對要試，抵佢係Signature。某程度上，個性價比俾中，都係因為𠵱件蛋糕。

最後想講吓，我食到尾聲時，好飽一刻，三件蛋糕都淨返一舊仔！正當我唸唔好嘥，食多一舊時，檸檬撻真係跑出，腦入面都自動引擎隻手义舊檸檬撻。我真係覺得好好味。你試完𠵱件蛋糕，同店嘅其他蛋糕真係比下去。
——————————————————
#cake #birthday #蛋糕 #生日 #生日蛋糕 #birthdaycake #hongkong #hkig #香港 #香港限定 #hkbakery #caketionary #caketionaryhongkong #呃like #相機食先 #假日好去處 #全素蛋糕 #素食 #西營盤 #蝶豆花 #打卡 #girlstalk打卡 #ig打卡熱點