影片
更多
2007-04-20
86 瀏覽
姊妹J的生日, 又係一家人吃飯的日子. 開完家會, 購物之後, 就上來了這裡.星期日晚, 全場爆滿, 跟同日下午的旺角場一樣. 環境係無乜特別裝修, 同食物一樣係住家感覺行先.九個人, 要了七菜一湯, 份量剛好.例湯: 8分, 是日例湯係粉葛煲豬踭, 大大碗, 加上一碟湯渣, 只收$40, 係相當經濟. 湯係住家湯, 喝不到味精, 並幾清甜, 小弟最後都飲了三碗.炒五秀: 8分, 望上去都相當油的一碟菜色, 食落口就幾爽甜. 但五秀: 蓮藕, 西芹, 百合, 露荀同白果都係清清淡淡的, 加在一起都係平平淡淡的感覺, 但又幾好食.嶺南牛: 8分, 賣相麻麻, 碟牛肉係黑黑沈沈的. 食落又覺得唔錯. 好像都有點疏打牛的影子, 但醬汁係好入味, 好好送飯.梅菜肉餅: 8分, 又係送飯菜, 簡單, 不過都好精彩. 肉唔會係死實實的, 梅菜亦幾香口.宮保雞丁, 8分, 除了加上辣椒同雞丁, 外表同味道都跟炒五秀尚近. 都係比較油, 但辣辣地都幾惹味.紅燒豆腐: 6分, 姊妹T誤會下要了的一碟, 普普通通, 但不太喜歡杰杰的汁.豆腐粉絲什菜煲: 6分, 家姐要食菜, 就要了這個煲, 感覺上太多湯,
星期日晚, 全場爆滿, 跟同日下午的旺角場一樣. 環境係無乜特別裝修, 同食物一樣係住家感覺行先.
九個人, 要了七菜一湯, 份量剛好.
例湯: 8分, 是日例湯係粉葛煲豬踭, 大大碗, 加上一碟湯渣, 只收$40, 係相當經濟. 湯係住家湯, 喝不到味精, 並幾清甜, 小弟最後都飲了三碗.
炒五秀: 8分, 望上去都相當油的一碟菜色, 食落口就幾爽甜. 但五秀: 蓮藕, 西芹, 百合, 露荀同白果都係清清淡淡的, 加在一起都係平平淡淡的感覺, 但又幾好食.
嶺南牛: 8分, 賣相麻麻, 碟牛肉係黑黑沈沈的. 食落又覺得唔錯. 好像都有點疏打牛的影子, 但醬汁係好入味, 好好送飯.
梅菜肉餅: 8分, 又係送飯菜, 簡單, 不過都好精彩. 肉唔會係死實實的, 梅菜亦幾香口.
宮保雞丁, 8分, 除了加上辣椒同雞丁, 外表同味道都跟炒五秀尚近. 都係比較油, 但辣辣地都幾惹味.
紅燒豆腐: 6分, 姊妹T誤會下要了的一碟, 普普通通, 但不太喜歡杰杰的汁.
豆腐粉絲什菜煲: 6分, 家姐要食菜, 就要了這個煲, 感覺上太多湯, 什菜反而不太多, 味道太淡.
炸子雞: 9分, 千呼萬喚始出來的炸子雞, 雞皮相當香脆, 見一眾姊妹們都不忍不吃這雞皮, 可見它的功力. 雞肉嫩滑, 黑肉部份尤其出色, 而且不算好油, 感覺上不太肥膩. 喜歡吃雞的, 一定要試.
這個炸子雞, 相當高水準, 跟鳳城同東寶的難分高下.
雪糕涼粉: 8分, 要了一個雪糕涼粉試, 當然係要了芒果雪糕, 上臺時係用了中式碗同湯匙, 感覺係怪怪的, 亦比較難去處理那件冰凍的雪糕. 但雪糕加上涼粉, 係幾匹配, 溶了芒果雪糕的涼粉, 黑加黃, 甜而不膩, 像聽二灣那的聲音.
整體來講係幾出色, 單來試個炸子雞, 加上幾樣心水住家菜, 都幾經濟. 服務就一般, 但都叫做足. 係要去十二樓半比較煩.
食飽, 下一站西環.
張貼
