三郎。燒肉

營業中

休息中

尋晚請幾位律師朋友食飯，第二次光顧這間餐廳，估唔到會遇到咁恐怖嘅經驗。頭段食燒肉都好地地，但當我將海膽手捲擺咗入口嘅時候，嘴裏突然間感覺咬到硬物，吐出來竟然係一粒生咗鏽綠色嘅螺絲。同服務員講，都未嚟得切影相，佢已經即刻拎走同埋話換嗰份畀我。當我叫經理嚟嘅時候，佢只係話叫廚師了解下原因，同埋送兩杯啤酒俾我地，而最後亦都冇再交待返原因。因為尋晚我係請幾位朋友食飯，所以為免尷尬，我冇再同佢哋爭論，但我覺得呢間餐廳嘅食物質素同服務員嘅態度實在好有問題，餐廳完全唔打算負任何責任。而如果客人吞咗粒螺絲落肚，絕對係可大可小的。