豫園 (已搬遷) 新店位置

10-11月係食大閘蟹既旺季，每年哩個時候都總會出黎搵餐廳食蟹，今次喺網上見到有人推薦唔錯，就同屋企人黎食下先。喺登龍街V-point 哩橦唔少既餐廳都試過，質素都幾高。入到黎見到裝修優雅，上網介紹係米芝蓮星級餐廳。大閘蟹宴 每位$338適逢餐廳開幕兩周年，推出左優惠套餐，共8道菜，圍繞大閘蟹主題，吸引！豫園五福迷你拼盤(紹興醉雞,鎮江肴肉,脆皮素鵝,香干馬蘭頭,四喜烤麩)擺盤好精緻，係上海菜式中前菜最常見既小食，鎮江肴肉同醉雞特別喜歡。蟹粉小籠包係小籠包仲左要係有蟹粉呀！個皮薄好考功夫，肉汁多，鮮味，滿足。蟹粉海鮮羮見到金黃色既湯羹就知餐廳落足料，好多蟹膏。女兒紅蒸大閘蟹今餐既主角出場喇，每隻足5两，雖然唔係好大，但有咁多道菜食，滿足喇。都有好多金黃色既膏，新鮮呀！不過蟹肉就冇咩，主要食膏。蟹粉蝦球鍋巴卷哩道菜有特色，夾住香脆既鍋巴，新式食法，好味。上湯火腿津白名貴既金華火腿都好大塊，上湯煮到津白又林，好入味。蟹粉炒年糕吸收晒蟹粉既精華，一啖一舊，好享受。薑茶湯丸食埋甜品就完成咁豐富既一餐，個個都表示滿足又開心。