空海 (已結業)

今日約左朋友到旺角行街，專登下午黎食呢間蟹專門店，因為呢度又蟹刺身，好特別！餐具擺放得好整齊，好有日本風格。前菜麻醬豆腐，凍冰冰夏天食清新！我點左個空海盛，包左7樣食物。先黎左個清酒煮蜆，蜆肉都幾多，而且幾新鮮。已經拆咗殼嘅松葉蟹蟹肉刺身，同樣係放得好整齊，蟹肉好鮮甜呀！而且都幾大條，就係啦！燒雞泡魚魚乾燒出嚟熱辣辣，點沙律醬好好味。海膽、帆立貝、松葉蟹丼飯，三樣都好鮮甜，最正係個海膽，大大塊好味道！松葉蟹甲羅燒，呢最正！蟹膏勁濃呀，啖啖都超鮮甜！甜品係雪芭，食埋清清味蕾，美味的一餐！