影片
更多
2024-10-02
1607 瀏覽
生日當然要食得開心又滿足!身為一個地道蟹控，我當然吾會錯過呢個機會，特登book左位於⻄貢WM酒店的WM咖啡廳食「蟹逅秋意自助晚餐」慶祝生日。呢度不單止環境一流，由於裝潢以「從日出到日落」為題，主色調係橙色同木系啡色，比到人好舒服又Chill既用餐環境，仲有琳琅滿目既蟹類美食，真係蟹迷既天堂。.今次嘅自助餐主打秋季時令蟹菜。呢個自助晚餐真係好豐富，每位成人同小朋友都會有一份香濃誘人既焗釀蟹蓋，開頭就比你一個Surprise! 自助餐選擇好多，特別係海鮮方面，有即開時令生蠔、冰鎮法國麵包蟹、加拿大松葉蟹腳、海螺等等，仲有刺身、手卷壽司，真係唔怕你揀唔到岩食架。.【刺身冷盤區】 係一大亮點，成個冰鎮海鮮區真係好豐富，有即開生蠔、小龍蝦、加拿大松 葉蟹腳同法國麵包蟹等，D海鮮夠晒鮮甜、夠凍，絕對岩晒鐘意食海鮮既朋友仔。刺身方面有三文魚、八爪魚、油甘魚同希靈魚都好新鮮，仲有好多款壽司，但真係要留返少少位置for其他美食。.【前菜沙律菜區】 有文金拔芝士、凍肉腸、田園沙律、煙三文魚凱撒沙律，款款清爽開胃，比你慢慢享受。.泰式芒果蟹肉米卷係其中一款我最推薦既前菜，佢用咗新鮮既熟蟹肉、芒果、胡蘿蔔同
.
今次嘅自助餐主打秋季時令蟹菜。呢個自助晚餐真係好豐富，每位成人同小朋友都會有一份香濃誘人既焗釀蟹蓋，開頭就比你一個Surprise! 自助餐選擇好多，特別係海鮮方面，有即開時令生蠔、冰鎮法國麵包蟹、加拿大松葉蟹腳、海螺等等，仲有刺身、手卷壽司，真係唔怕你揀唔到岩食架。
.
【刺身冷盤區】 係一大亮點，成個冰鎮海鮮區真係好豐富，有即開生蠔、小龍蝦、加拿大松 葉蟹腳同法國麵包蟹等，D海鮮夠晒鮮甜、夠凍，絕對岩晒鐘意食海鮮既朋友仔。刺身方面有三文魚、八爪魚、油甘魚同希靈魚都好新鮮，仲有好多款壽司，但真係要留返少少位置for其他美食。
.
【前菜沙律菜區】 有文金拔芝士、凍肉腸、田園沙律、煙三文魚凱撒沙律，款款清爽開胃，比你慢慢享受。
.
泰式芒果蟹肉米卷係其中一款我最推薦既前菜，佢用咗新鮮既熟蟹肉、芒果、胡蘿蔔同⻘瓜，再配上芫茜，味道清新吾會膩。芒果既甜同蟹肉既鮮互相輝映，再加上⻘瓜既脆口感，真係吾錯。而松葉蟹肉果凍就更加特別，入口果凍滑溜，鮮甜既蟹肉加埋清爽嘅果凍，口感獨特，帶出一種清新而鮮美既滋味。
.
【炸物熱盤區】 作為大人小朋友都極受歡迎嘅區域，選擇一定會係超多，有海底椰杏汁雪耳 雞湯、黑松露蘑菇忌廉湯、黃咖喱海鮮、小籠包、免治雞軟骨串、天婦羅、炸蟹鉗等等，簡直係炸物同熱食控嘅天堂!
. 特別推薦蟹粉流沙天使麵，鹹蛋黃同蟹肉真係絕配，D蟹粉香濃而唔吾會太膩，配埋天使麵，口感滑溜。而泰式蟹膏油炒蟹肉飯亦都好好味，炒飯入面既蟹膏香濃，飯粒吸收左蟹膏精華，味道層次豐富。至於蛋白蟹肉扒時蔬，口感較為清淡，健康又吾會過重口味，蛋白同蟹肉一齊食，簡單而鮮甜。阿拉斯加蟹腳茶碗蒸就更加吾可以錯過，蟹腳鮮甜肥美，配埋滑嫩既蒸蛋，口感真係一流。
.
【甜品飲品區】 有燕窩蒸蛋白、藍莓芝士蛋糕、車厘子黑森林蛋糕、⻘蘋果慕絲蛋糕、法式 千層酥等，款款都好精緻。其中班蘭椰子菠蘿蛋糕，好值得推薦。班蘭清香同椰子既濃郁交織，再加上菠蘿既微酸口感，真係好特別，蛋糕濕潤而吾會太甜，非常岩香港人嘅既口味。D24榴槤蛋糕絕對係榴槤迷既最愛，榴槤味超濃郁，蛋糕鬆軟入口即化。香印提子撻亦都係我既推介，D提子夠鮮甜，撻底又夠脆，配埋淡淡既奶香，非常滿足，忍吾住一次過食咗3塊添。桂花酒釀小丸子由香甜既酒釀配埋軟糯既小丸子，再加上淡淡既桂花香，比人有種暖暖既感覺，最後食埋食Häagen-Dazs雪糕，完美收尾。
張貼
