豐森水產 (已結業)

同另一半嘅周年紀念，梗係要揀間又好味、環境氣氛又好嘅餐廳慶祝一下啦～睇到豐森水產OpenRice 啲環境相，就知呢間舖啱哂我哋呢啲返唔到鄉下嘅日本人（自稱）啦。可能因為係平日的關係，當日入坐人數唔算好多，靜靜地就啱哂情侶拍拖拖啦。除咗之前一直有嘅兩款二人餐之外，好似仲新加咗火鍋套餐，不過因為我早兩日先打完邊爐，所以無試到。胡麻豆腐沙律：份量足夠，胡麻醬+豆腐=絕配。魚生：食材新鮮、厚切好有口感。壽司：係少見嘅醋飯底好特別😋，賣相好精緻。炸雲舌：紫菜外皮鬆脆，入面Juice 。有驚喜，好味😋燒物盛盒：份量雖然唔多，不過肉的質素有保證👍🏻同埋隻隻蜆都大大隻飲飽水，好新鮮。最後重點推介！嚟到一定要食！「蟹甲羅焗飯」，一嚟到已經聞到陣蟹膏香味，流哂口水。入面除咗有大量蟹膏之外仲有飯素&蟹籽，呢個組合用嚟撈飯真係無得輸！好味到我想添飯，慳慳哋啲蟹膏應該夠撈多碗飯🤤總結：環境氣氛一流，推薦情侶或打卡；服務非常好，員工有禮貌，服務周到；食物質素中上，個人比較喜歡熱食，推薦蟹甲羅焗飯，誠意之作👍🏻