荷華庭園景餐廳 (已易手) 新餐廳

平時星期六日都會好想去一啲離開市區嘅地方😌比自己唞吓，超下，都好開心，喺OpenRice見到呢間餐廳好靚好休閒，所以就特登搭車入咗林村😎餐廳入口一望入去就見到好靚嘅園林景色，仲有小橋流水，而且每一個出面嘅座位都係用咗好多心思去佈置！😍😍入到去最吸引嘅係呢個蟹肉釀大蘑菇🤤🤤不嬲都好鍾意食大蘑菇嘅我一定要試吓！呢個蟹肉好香而且份量好足夠🤣🤣加埋呢個大蘑菇好Juice，成件事好夾！！切開咗之後就望到成個大蘑菇都好有份量，而且蟹肉上面仲加咗少少芝士焗左之後嘅焦香味！😍😍