木玥巷 (已結業)

前幾日入元朗搵家姐食LUNCH，想試呢間木玥巷好耐，終於有機會一試～午市套餐都幾多選擇，仲包餐飲同餐前小食。蟹肉金絲炒新竹米粉 新竹米粉特別Q彈有咬勁，炒得夠乾身好有蛋香，加入大量鮮甜蟹肉絲，鮮香十足，好有驚喜！黯然銷魂安格斯魯肉飯用上安格斯牛肉，牛肉味香濃，拌以太陽蛋、泡菜等同食，味道屠次感都好豐富～澎湖花枝蝦排 炸至金黃酥脆，啖啖花枝和蝦肉，香脆有口感～木玥招牌水果茶木玥柳橙汁水果茶兩款水果茶都大大杯份量十足，有齊多種水果，茶底又甘香，必點之選！