蟹道 野田 (已搬遷) 新店位置

食蟹食蟹，秋風未起都可以食正蟹架嘛🤤 今日拉到男友嚟到上環食日式蟹肉料理，非常期待呀🦀🦀 店舖細細嘅，但裝修得體幾四正。前菜係海膽苦瓜豆腐🤤海膽多到每啖都有，配埋魚子口爆效果一流🤤 生蠔要滴小小汁落去，成個味道升華左！刺身沙律好肥美，可以多幾舊仲好！蟹刺身好特別，口感似jelly~~ 長腳蟹非常貼心，全部都開左殼👍🏻👍🏻對於我呢d懶人真係福音:-D 肉質彈牙彈牙，食落鮮甜多汁🙏🏻 天婦羅🍤雖然份量唔多，但龍蝦肉好大件！肉炸得剛好，保持到肉嘅質感，外脆內軟(^^) 炸青瓜好有趣，炸嘅都依舊清新！蟹肉蟹膏簡直係天上美食真心！蟹膏好滿好豐富，味道very rich!! Mix with蟹肉食更有texture~ ❤️❤️ 煙薰魚亦係出色作品，燒得皮脆不油膩，魚肉口感彈牙新鮮👀 舖面粟米加左牛油，好香味👨🏻‍🍳 魚子蟹肉飯👅👅爆多魚子同蟹肉撈好，食落好豐富！甜品係超甜蜜瓜🍵🍵呢餐真心豐盛到不得了⭐️⭐️