蟹膳 (已搬遷) 新店位置

食到高質餐廳，總係要尋尋覓覓，今日目標就係蟹膳。蟹膳門口好神秘，一按製，已經有reception 同事安排帶路。一入座，餐牌已經在座上，套餐選擇比較優惠，店員亦推介幾款套餐，最後我地決定行政套餐($408)首先上左燒枝豆及蟹肉蒸蛋，枝豆燒過後，容易開豆黎食，蒸蛋內蟹肉又有菇，分量足！之後上左一份松葉蟹天婦羅拼盤，有蟹鉗及蟹腳，仲配有蔬菜類及一口流心蛋天婦羅，呢度特別可以配綠茶粉食天婦羅，令人清新感覺。到主角出場毛蟹，店員好好人話可以卑我地升級燒毛蟹都可以，肉質新鮮香口，加少少檸檬汁點綴 更添味道！仲有份大大份野菜盤，有菇類、蔬菜類及豆腐，放入昆布清湯內煮熟，即時清清腸胃。最後有甜品送上-薑汁雪榚/咖啡雪榚，薑汁味道唔太出，一般食客都接受到。