奈良上釜 (已結業)

係登龍街定價幾進取嘅日本菜鋪頭，釜飯係香港比較少見，難得今日朋友生日，於是就去試下呢間啦入到去鋪頭比較窄，唔算好寬敞，我地8點幾入到去鋪頭都差唔多full 晒。我地叫咗兩份蟹釜，一個牡蠣釜（姐係蠔)，同埋天婦羅海膽做小食。原本其真對於鋪頭唔係話好大期望，因為唔係成日見好多人會排隊黎食可能太貴吧！佢首先會黎咗有6味小食嘅前菜先，入面個茶碗蒸真係好好食！之後到釜飯，食落非常有驚喜，因為意想唔到地啲飯好入味，而且份量絕對唔吝嗇，起碼每個釜飯有兩碗飯嘅份量，蟹肉量都唔係薄薄一層，係食到啖啖肉，而且有飯焦，日式煲仔飯feel好惹味，非常飽肚。友人都有讚佢個個蠔好入味！至於個海膽天婦羅就咁岩食到一舊比較苦，一舊就鮮甜得多，所以都幾睇彩數，睇下你食個隻蠔揀得新唔新鮮對於差唔多二百蚊一個飯黎講係有啲貴，不過真係幾好食架！