蟹慶 (已結業)

銅鑼灣搵食，Sogo隔離落一層，蟹慶日本料理。大蝦沙律 見到清爽想食就食 汁醬做得啱啱好，主角明蝦好爽口，如常好開口胃。季節刺身三點 有深海池魚油甘魚和三文魚， 見到都咁大件，清新新鮮入口香甜，口感好味呀。松葉蟹肉三文魚籽茶碗蒸 用料非常豐富有蟹肉，有魚子仲有白果，蛋蒸得都好幼滑，慢慢食都可以。鹽焗活蟹 一隻開二 件，手勢蒸煮得啱啱好，蟹膏依然係咁香口，仲有啲肉質豐富， 蟹蓋又容易拆蟹身淡淡肉。追加雪場蟹腳浜燒 雪場蟹腳非常香口，一隻開二，慢拆蟹肉，好味可口肉質鮮味。龍蝦天婦羅 用龍蝦做天婦羅，我都係第一次，淨係睇個架式，都已經值回票價，咬落淡淡肉，非常可口，正呀！鯛魚白湯先甜清嫩可口，鯛魚仲係成大就喺入面，可想而知用足材料呀！松葉蟹肉濃湯素麵細細碗剛剛好，食咗咁多好嘢，嚟個少少濃湯加蟹肉鮮味，剛好清清喉嚨。甜品黑糖蕨餅扶茶布甸軟淋淋煙煙靭靭，仲有綠茶嘅香味，又有黑糖嘅香濃甜味，正呀！呢餐食得非常滿意，同朋友一路食一路享受，枱上盤中美食，真是一樂也。