影片
更多
2019-06-29
130 瀏覽
星期日去朋友屋企玩，約咗一齊食埋晚飯先走，佢哋知我鍾意試新嘢，訂咗千色附近呢間蟹仙。店名有蟹，門口又有隻大蟹，睇嚟此店對自己啲蟹好有自信喎。店內每張枱都有一頂似越南帽嘅蓋，都有啲重量架。我哋叫咗$298一位（星期日加$28），有9款海鮮嘅套餐。店員首先拿來粥底材料，倒入蒸氣鍋內，好多料喎，有南瓜粒、白米、粟米、排骨。然後，海鮮盤來了，有鮑魚、帆立貝、貴妃蚌、青口、龍躉片、海蝦，每種海鮮每人一件。店員幫我哋放埋落鍋蒸，蒸煮時間相同嘅一齊蒸，夠鐘就過來熄火夾俾我哋，好服務👍蒸嘅時間啱啱好，鮑魚鮮甜彈牙又唔韌，正呀！😋帆立貝同海蝦又鮮又爽，好食😁跟住就係蒸2分鐘嘅貴妃蚌同龍躉片，貴妃蚌鮮甜，龍躉片魚味濃郁，好味😋龍蝦要蒸8分鐘，每人有半隻，肉質彈牙美味。跟住到主角出場⋯⋯蟹要蒸10分鐘因為有兩種蟹選擇，而每人有半隻，我哋揀咗每種一隻，咁就可以試勻2種蟹啦！大黃奄同頂角糕蟹啲糕都爆瀉，以前浄係鍾意食黃膏嘅蟹，因為嫌橙膏太硬。今次食呢隻頂角膏蟹就有雙重享受兩種口感，橙膏甘香，黃膏香甜滑溜，超好味大黃奄肉質結實鮮美，膏質軟滑甘香，回味無窮。食完蟹，輪到蔬菜嘞，香甜嘅南瓜同清甜嘅粟米我都喜愛，腍甜嘅
星期日去朋友屋企玩，
約咗一齊食埋晚飯先走，
佢哋知我鍾意試新嘢，
訂咗千色附近呢間蟹仙。
店名有蟹，門口又有隻大蟹，睇嚟此店對自己啲蟹好有自信喎。
店內每張枱都有一頂似越南帽嘅蓋，都有啲重量架。
我哋叫咗$298一位（星期日加$28），有9款海鮮嘅套餐。
店員首先拿來粥底材料，倒入蒸氣鍋內，
好多料喎，有南瓜粒、白米、粟米、排骨。
然後，海鮮盤來了，有鮑魚、帆立貝、貴妃蚌、青口、龍躉片、海蝦，每種海鮮每人一件。
店員幫我哋放埋落鍋蒸，蒸煮時間相同嘅一齊蒸，
夠鐘就過來熄火夾俾我哋，好服務👍
蒸嘅時間啱啱好，鮑魚鮮甜彈牙又唔韌，正呀！😋
帆立貝同海蝦又鮮又爽，好食😁
跟住就係蒸2分鐘嘅貴妃蚌同龍躉片，貴妃蚌鮮甜，龍躉片魚味濃郁，好味😋
龍蝦要蒸8分鐘，
每人有半隻，肉質彈牙美味。
澳洲青年龍蝦
10 瀏覽
0 讚好
0 留言
大黃奄蟹
13 瀏覽
0 讚好
0 留言
因為有兩種蟹選擇，而每人有半隻，
我哋揀咗每種一隻，
咁就可以試勻2種蟹啦！
越南頂角膏蟹
12 瀏覽
0 讚好
0 留言
以前浄係鍾意食黃膏嘅蟹，因為嫌橙膏太硬。
今次食呢隻頂角膏蟹就有雙重享受兩種口感，橙膏甘香，黃膏香甜滑溜，
超好味
大黃奄肉質結實鮮美，膏質軟滑甘香，回味無窮。
食完蟹，輪到蔬菜嘞，
香甜嘅南瓜同清甜嘅粟米我都喜愛，腍甜嘅娃娃菜都唔抗拒架。
食完蒸海鮮同蔬菜，就到匯聚各種精華嘅南瓜豬骨粥，
粥已經好綿，好鮮甜，我哋全部食晒，
連排骨都一件不留，個個都飽到捧住個肚。
南瓜排骨粥
6 瀏覽
0 讚好
0 留言
四人或以上仲送埋糖水添！係木瓜燕窩糖水喎，
夠晒滋潤養顏呀
果然名符其實，啲蟹真係好正喎可以再嚟。
題外話/補充資料：
10%服務費；
星期五、六、日、假日及前夕，附加費每位$28；
醬料費每位$10
(以上食評乃用戶個人意見 , 並不代表OpenRice之觀點。)
張貼
