蟹慶 (已結業)

蟹慶嘅蟹料理實在太正！大蝦新鮮彈牙，沙律醋調味恰到好處，清新開胃。季節刺身三點包括了鮮甜嘅池魚、肥美嘅鮪魚腩同埋滑順嘅鮭魚腩。每一件都鮮嫩無比，完全唔會有任何腥味。松葉蟹肉三文魚籽茶碗蒸，蒸蛋嫩滑如絲，入口即溶。蟹肉鮮甜彈牙，三文魚籽爆香,配合蒸蛋嘅鮮味,簡直完美。鹽焗活蟹係今晚嘅重頭戲。焗出嚟嘅金黃色蟹殼,望到已經口水直流。蟹肉飽滿鮮甜，肉質嫩滑，蟹膏濃郁，非常新鮮。龍蝦天婦羅賣相一流，非常吸睛。龍蝦肉質鮮嫩彈牙，天婦羅外酥內嫩，點埋天婦羅汁，回味無窮。鯛魚白湯濃郁鮮甜，湯頭清爽不膩，配合幼滑嘅豆腐。松葉蟹肉濃湯素面，濃郁嘅蟹肉湯底，加埋彈牙嘅素面,估唔到咁好味。呢間餐廳嘅蟹料理真係好正，性價比超高。如果你都係一個蟹控,一定要嚟試吓啦！