大發茶餐廳 (已結業)

天氣太潮濕, 唔想煮飯. 放工後就係附近搵食再返屋企. 行到大王東街見到有間大發茶餐廳.   而且有潮州打冷食. 就入去試吓.裡面都幾多人. 好彩等咗一陣就有位. 我地一家四口有卡位座. 我地成家人都好鐘意蠔仔弼及蠔餅, 所以一定叫的. 蠔仔粥有方魚/冬菜/香芹/大頭菜/當然唔少得主角蠔仔啦. 蠔肉賬卜卜又鮮味. 加上冬菜及方魚. 令到成鍋粥好香甜. 蠔餅, 我喜歡大發的做法. 係用煎的方法, 所以一d都唔熱氣. 而且唔會好厚粉. 蠔肉都係賬卜卜的. 鵝片, 係潮州打冷嘅必食菜色. 鵝肉大大件, 但唔un. 配上滑滑豆腐及牙菜. 味美!生炒排骨. 仔仔至愛. 排骨炸到香脆. 醬汁剛剛好. 唔會太酸. 配菜的菠蘿又好甜. 青椒又爽脆. 仔仔差不多成碟食晒. 最後蒸咗條倉魚. 魚好新鮮. 加上豆豉, 芫茜. d汁用嚟撈飯一流.