影片
更多
2015-01-04
4505 瀏覽
美味生蠔令人如痴如醉，但市面上賣生蠔嘅餐廳收費不菲，提供生蠔嘅自助餐，生蠔選擇不多，或者要同其他客人龍爭虎鬥拎生蠔，又或者一早開定令生蠔食味欠佳，有朋友介紹蠔不留情生蠔放題，滿心期待嚟食生日飯。 餐廳位於工業大厦，地方闊落，佈置簡約舒適，難怪宣傳單張話可容納140人包場開PARTY。蠔不留情套餐@$398位由於係聖誕除夕時間，場內都有聖誕裝飾。今日嘅元旦套餐包括任食生蠔、雜錦頭盤或湯，以及牛扒、大蝦沙律或特式火雞件伴香腸等主菜三選一加甜品，雖然飲品要自費，但都非常超值！👍👍 頭盤比想像中精緻。包括龍蝦肉溫泉蛋配蟹籽冷麵、意大利火腿伴雅枝竹、黑醋汁鵝肝、意式多士魚子醬同炭燒椰菜仔。每一款都做到小食多滋味，而且做型講究，有高級日本人料理感覺。 牛尾清湯配鵪𪂹蛋多士，湯汁清澈但牛味濃郁，配大量葱花非常美味。最得意係自家制多士，質地鬆化似蝴蝶酥，仲好抵死預留凹位盛載鵪𪂹蛋😆 主菜點咗大蝦沙律同牛扒。新鮮彈牙大蝦燒得焦香，仲細心地剔腸開邊，配火箭沙律菜清新。 牛扒雖然份量豐富，一般餐廳質素，無甚驚喜。 講番今日主角，
美味生蠔令人如痴如醉，但市面上賣生蠔嘅餐廳收費不菲，提供生蠔嘅自助餐，生蠔選擇不多，或者要同其他客人龍爭虎鬥拎生蠔，又或者一早開定令生蠔食味欠佳，有朋友介紹蠔不留情生蠔放題，滿心期待嚟食生日飯。
餐廳位於工業大厦，地方闊落，佈置簡約舒適，難怪宣傳單張話可容納140人包場開PARTY。
蠔不留情套餐@$398位
由於係聖誕除夕時間，場內都有聖誕裝飾。今日嘅元旦套餐包括任食生蠔、雜錦頭盤或湯，以及牛扒、大蝦沙律或特式火雞件伴香腸等主菜三選一加甜品，雖然飲品要自費，但都非常超值！👍👍
頭盤比想像中精緻。包括龍蝦肉溫泉蛋配蟹籽冷麵、意大利火腿伴雅枝竹、黑醋汁鵝肝、意式多士魚子醬同炭燒椰菜仔。每一款都做到小食多滋味，而且做型講究，有高級日本人料理感覺。
牛尾清湯配鵪𪂹蛋多士，湯汁清澈但牛味濃郁，配大量葱花非常美味。最得意係自家制多士，質地鬆化似蝴蝶酥，仲好抵死預留凹位盛載鵪𪂹蛋😆
主菜點咗大蝦沙律同牛扒。新鮮彈牙大蝦燒得焦香，仲細心地剔腸開邊，配火箭沙律菜清新。
牛扒雖然份量豐富，一般餐廳質素，無甚驚喜。
講番今日主角，經理話今日來貨嘅南非生蠔質素欠佳，以免做壞招牌唯有退貨。所以今晚只供應法國及蘇格蘭生蠔。
由於係即叫即開，生蠔開得乾淨利落，無殼碎，喺最佳狀態下享用，海水味充足。今晚法國蠔身細味濃，餘韻綿長；蘇格蘭蠔厚身肉爽，味鹹嫩滑，兩款蠔水準相當高，只需配少許檸檬汁已鮮味無窮。另店方提供TABASCO同香草茄汁，可謂照顧周到。
舖內有除提供清酒外，唔少得供應紅白酒同SPARKLING，全部來自意大利，老細推薦飲SPARKLING($230),確實泡沫豐富，配生蠔飲清爽香甜，另外點咗枝白酒($190)，中規中矩，但紅酒($220)就令人失望，所以同行友人提出，穩陣起見，寧願比每枝$100開瓶費，都係自攜酒水有保障。
今日三個人食完頭盤主菜，飲三枝酒仲食咗9打蠔，可以盡興而回，而且老闆、侍應招呼周到，最值得欣賞係，不停殷勤咁問我哋要唔要添蠔，絕對豪氣大方。事後我哋都無身體不適，可見生蠔質素高之餘，厨房處理技術水準一流，令我放心下次再嚟。
題外話/補充資料：
蠔不留情套餐由晚上1800至晚上2230,如預約可享九折
(以上食評乃用戶個人意見 , 並不代表OpenRice之觀點。)
張貼
