德豐粉麵茶餐廳 (已結業)

夜晚十點幾霎時衝動想食打冷宵夜,就記得近黃金果邊有打冷鋪,一於去醫肚。睇餐牌價錢還可接受,叫咗一碗蠔仔粥,蠔仔脹卜卜算是肥美,又冇腥味,粥底材料亦算豐富,包括有章魚、肉碎、脆卜卜既蝦乾、芫西,落埋胡椒粉一齊食,唔錯。再叫豬手鷄腳跟花生。鷄腳同豬手都炆得夠冧,整碟野都幾入味。仲嚟一碟豬耳鵝腎油豆腐底,個豆腐索咗滷水汁我就覺得鹹咗d,鵝腎同豬耳份量夠多,豬耳爽,鵝腎厚切入口夠口,加埋冰凍啤酒一杯,又係最佳拍檔啦。