影片
更多
2020-07-01
2180 瀏覽
香港疫情好似穩定咗, 餓咗咁耐, 係時候出去搵食, 好耐冇食蠔了,今晚相約為食友一齊來灣仔的The Oyster House攻蠔, 食個early dinner, 睇個名都知呢間係蠔門夜店啦。 餐廳做足防禦措施, 雙連枱有夾板, 咁就大家都食得安心, 餐廳走舒適路線, 燈光柔和舒服。我諗佢地個蠔應該幾得, 七點未夠座位已經坐滿八成, 仲要9成叫蠔及飲酒。每人2杯酒便可專享所有生蠔6折埋單, 生蠔配白酒一流, 怪得每檯都叫酒既, 食半打蠔可能己經等於免費請你飲酒了前菜、主菜、甜品及飲品分門別類豪情夜生蠔少不了, 今晚order了三款, 全部生蠔即叫即開, 確保新鮮!! 由淡至濃順時針方向食, 最前的是Yellow Stone, 跟隹是Rollex及Irish Rock。USA Yellow Stone ($48/隻)Yellow Stone 細細隻, 清甜爽口, 海水味淡淡然的.南非Rollex ($49/隻)Rollex肉身豐盈多汁, 蠔肉爽脆甜美, 蠔味較清新, 海水味均衡, 推介比初食生蠔者, 包你食完愛上生蠔Irish Rock ($53/隻)今晚order的三隻生蠔口感都係爽口
餐廳做足防禦措施, 雙連枱有夾板, 咁就大家都食得安心, 餐廳走舒適路線, 燈光柔和舒服。
我諗佢地個蠔應該幾得, 七點未夠座位已經坐滿八成, 仲要9成叫蠔及飲酒。
每人2杯酒便可專享所有生蠔6折埋單, 生蠔配白酒一流, 怪得每檯都叫酒既, 食半打蠔可能己經等於免費請你飲酒了
前菜、主菜、甜品及飲品分門別類
豪情夜生蠔少不了, 今晚order了三款, 全部生蠔即叫即開, 確保新鮮!! 由淡至濃順時針方向食, 最前的是Yellow Stone, 跟隹是Rollex及Irish Rock。
USA Yellow Stone ($48/隻)
Yellow Stone 細細隻, 清甜爽口, 海水味淡淡然的.
南非Rollex ($49/隻)
Rollex肉身豐盈多汁, 蠔肉爽脆甜美, 蠔味較清新, 海水味均衡, 推介比初食生蠔者, 包你食完愛上生蠔
Irish Rock ($53/隻)
今晚order的三隻生蠔口感都係爽口型而不是creamy 型, 呢隻Irish Rock最鮮及最甜, 海水味較前2隻濃, 但也不太重, 蠔肉爽甜脆口, 食完蠔鮮餘韻在口內久久不散, 夠新鮮嘅生蠔我會食佢嘅新鮮鮮甜味道, 謝絕檸檬
新鮮有光澤, 蠔肉飽肉爽脆
羽衣甘藍南瓜藜麥沙律 ($139)
羽衣甘藍比較軟身, 唔似食柴皮咁, 配香甜南瓜, 有營藜麥, 補腦合桃及護眼藍莓, 非常健康有營的沙律菜, 配合埋個芥末蜜糖醋汁, 酸酸甜甜絕對開胃醒神
鮮蠔濃湯 ($89)
嚟得Oyster House就梗係連湯都要蠔埋佢啦
每個湯附送一隻生蠔過口癮, 湯頭似飲緊fresh 版蠔豉湯, 好濃鮮嘅蠔味, 香滑濃杰, 淡淡蠔鮮, 好鬼正, MUST ORDER ITEM
香烤原隻法國春雞 ($239)
呢隻燒春雞好得, 用鹽及香草醃到入曬味才焗, 香草醃製味道較清新。
配菜燒汁烤茄子腍滑香口, 薯溶有粒粒小薯粒, 香滑有口感。
火候控制得啱啱好, 雞肉剛剛熟, 皮脆肉嫩, 雞肉仍處於嫩紅色, 春雞size比較細小, 連雞胸肉軟滑juicy。
好彩叫做一個主菜, 否則連甜品都食唔落, 完美嘅晚餐當然要叫返一個甜品來開心share吧。
香蕉拖肥批 ($69)
甜品花姿招展上場, 朱古力花花畫得細膩。
個招牌香蕉拖肥批完全打破我對拖肥嘅舊有甜到死人觀念....下層係熟透的香蕉, 上層係拖肥忌廉, 拖肥忌廉出奇地唔甜膩, 配合埋熟透的香蕉食, 香甜軟滑。
環境舒服, 服務員又nice, 又食到我哋好耐冇食嘅超新鮮完全冇腥氣的生蠔, 其他食物也高水準, 又唔使趕場, 舒舒服服嘆慢板食咗三粒鐘, happy ^0^
張貼
