蠔門宴 (已結業)

今晚同位朋友補祝返生日，佢本身好喜愛食蠔，所以特意搵左依間專門食蠔既餐廳同佢慶祝生日環境寧靜清憂，店鋪唔算大，但餐廳播放既音樂令人好舒適咁食飯，好似無左煩惱咁生蠔種類都幾多，有日本、多國品種，每日只會有某幾款品種有返貨，餐廳推廣緊叫任何白、紅酒一支/杯同讚好專頁就會所有生蠔有半價優惠，當然我地都唔執輸叫左五款生蠔，隻隻都好新鮮同高質素<<法國綠寶石>> 店員話依款係新返貨，最特別係生蠔裙邊係綠色，食落鮮甜得黎重礦物味<<法國特級KYS>> 海水味比較重，相對礦物味無咁重，比起其他大隻同甜口，我幾鍾意<<法國>> 海水味又唔會好重，入口鮮甜同重蠔味，食完會有陣蠔味留左係口中，依款係我喜愛既味道<<法國特級女皇>> 同法國個隻好似，一樣鮮甜美味<<江田島>> 雖然細隻，但海水味同甜味並存，仲好重蠔味，過左陣蠔味仲響口內<<燒牛小排>>燒得勁香口，色澤粉嫩，鎖到個肉汁係入面，肉質軟腍多汁，好濃郁既牛肉味