意蠔屋 (城市中心)

營業中

休息中

今日嚟到北角去咗食意蠔屋，唔使等位冇乜人。打開餐牌覺得價錢唔貴算係中等價錢嘅意粉屋。同朋友二人就叫咗一個浪漫蠔餐，有主菜生蠔食生蠔：有鹹水味，而且好新鮮好鮮甜好飽滿,配上檸檬汁同茄汁味道一流而且夠凍仲用冰鎮住外相唔錯。蒜蓉包：牛油搽得夠均勻，好香牛油味，蒜蓉份量適中而且好大塊，好趣口＄15價錢相當抵食。瑞士雞翼：瑞士汁惹味，雞翼新鮮冇雪味，但瑞士汁未能滲透雞翼內層，有點美中不足。芝士煙鴨胸螺絲粉：芝士份量不足，煙鴨胸肥而不留，螺絲粉份量頗多但可惜唔夠鹹，當係健康食品啦。煙三文魚菠菜意粉：煙三文魚不太新鮮，會滲出水份，而且栗不夠味，菠菜份量頗多，意粉份量都頗多但可惜都係唔夠鹹。