Season Plus (已結業)

成日都聽到話觀塘有好味生蠔食，經朋友介紹下今日終於去試下呢間。去到門口就覺得個FEEL唔錯，餐廳很大座位很多。我同朋友食6點半唔洗等位就可以入座，餐廳入面只有幾枱客，感覺好舒服。坐低後二話不說就點了幾樣食物:日本熊本霜降西冷，升級生蠔SET，炸魚手指，芝士牛油焗日本元貝，仲有個芝士黑松露焗大蘑菇，非常豐富!升級生蠔SET先上，因為升級了的關係，生蠔有一半是中SIZE一半是細SIZE，無論係咩SIZE，生蠔都非常鮮甜，有淡淡的海水味亦一點也不腥，配合升級了的有汽香檳酒，味道更上一層樓!炸魚手指黎到仲係熱呼呼，口感豐富，當初仲猶豫緊叫炸魚手指定薯條，好彩最後都叫左呢個，果然冇令我地失望。到左主打既日本熊本霜降西冷，我地揀左6成熟，黎到既肉感不錯，切落去岩岩好，配合附上的辣汁，正丫!順帶一題，伴碟還有薯菜，好彩真係冇叫薯條姐>W<至於芝士黑松露焗大蘑菇，呢個又係必試的推介，咬落去口感一流，非常香口!!不過芝士牛油焗日本元貝則普普通通，冇咩特別，我認為可以用呢個價錢再試其他食物~吃了一小時多左右，人也開始愈黎愈多了，整體感覺好舒服好滿足的一餐，推介情侶/知己約埋談心食好野既好地