第一蠔粉麵 (已結業)

食米線唔一定去咩咩哥，今日試嘅呢間小店都有驚喜。其實係朋友好想食，但小妹唔係好食蠔，所以就叫左個好 boring 嘅雞翼花枝丸米線，但黎蠔店無理由少少蠔都唔叫，所以就叫左個煎蠔餅。個煎蠔餅十分驚喜，新鮮炸，炸得好脆，唔厚粉，口感亦唔會好油膩，個人覺得水準拍得住打冷，個甜酸醬都唔錯，同脆口蠔餅好夾。開始見到$58一碟，其實有啲貴，但食完後覺得值回票價。至於個米線呢，其實無乜特別，正正常常咁，反而佢另外比嘅一碟酸辣蘿蔔就好好味！小妹唔太食得辣，呢個程度岩岩好，攞嚟餸米線亦不錯。