CHIC Italian Cuisine and Oyster Bar (已結業)

Chic by Oyster House出名d蠔好好食，同埋set lunch又唔貴，今次決定入去試下!入到去間餐廳嘅佈置已經好吸引，氣氛好浪漫，d燈又好華麗，仲有一邊食一邊有音樂聽，環境一流!因為今次係同女朋友食，我地決定叫咗紅白酒各一杯，兩杯嘅酒味都好香，而且好易入口，攞黎送蠔一齊食最啱😋我地叫咗四隻蠔，每隻都非常肥美，而且海水味啱啱好唔會太重，唔鍾意海水味嘅話更加可以加檸檬汁，每隻都好鮮甜可口，淡淡都係鮮味，食到好滿足!我地main course叫咗鱸魚同牛排，鱸魚煎得外脆內軟，肉質嫩滑，佢仲有同佢特製嘅沙律醬好夾。個牛都煎得好香，好有牛味之外，一d都唔韌，而且可以鎖住d肉汁添!每個set都送湯，沙律同甜品。雜菜湯好多材料，口感好豐富。個甜品係homemade blueberry mousse，質感好滑，仲要有種清甜嘅感覺!今次食物質素同環境都好好，再加上服務態度我都好滿意，一定會考慮下次再黎!