点心代表 (已結業)

點心代表又轉主題啦😍今次係人見人愛既 蠟筆小新。其實人見人愛就未必啦， 小新咁百厭，不過佢可愛嘅patpat就一定係人都鍾意啦😜😂新主題開始嘅第二日我就已經嚟咗， 夜晚七點半嚟到，門口人山人海大排長龍呀😮 想嚟欣賞小新嘅pat pat，又唔想等咁耐嘅大家就記得早啲黎排隊啦～小合照。太肚餓又見到仲有好多客人等位，所以未黎齊都食住先🙈🙈晚安龍脷柳腸粉蝦腸牛肉腸叉燒腸就食得多喇， 龍脷柳腸粉就真係比較少見。 尤其係呢個晚安造型簡直冇得輸呀😍腸粉皮算蒸得滑，趁熱食味道唔錯。粟米花枝網球有粟米沾喺花枝丸上面，製成網球咁樣💛甜粟米加上軟彈牙的花枝丸👍炸雲吞舉雲吞啞鈴😂😂 鮮蝦雲吞炸得香脆， 點上酸酸甜甜嘅醬汁幾惹味。左衛門流沙包左衛門係奶黃流沙包， 剛剛蒸好熱騰騰嘅包流沙度一流👍 麵包軟熟，要趁熱食呀，凍左既話就唔流沙架啦。朱古力流沙包除咗鹹味嘅流沙包，一樣有甜味嘅流沙包。朱古力味香濃，流心度都係一流呀🍫原隻鮑魚雞粒燴飯除咗點心我哋仲叫咗一個燴飯，有3隻鮑魚呀，燴飯調味啱啱好，加埋雞粒燴得濕濕地，食落口唔會太乾又夠味，唔會太淡。香脆牛油蛋撻小新同小白的蛋撻😍 小新同小白係脆身嘅曲奇餅， 蛋撻皮酥脆